Cінтэтычны мёд бестурботны карагод,
Электронны рай ад канторы “Microsoft”,
Заплаці за свой абмяжаваны прастор,
Падыхай на канапе,
Лічбавы сіндром www. бог.com,
Замяні свой мозг на працэсар,
Твой утульны дом з блакітным акном,
Падмяні сваё жыццё сном..

Ты і бутэлька - дзень нараджэння,
Нарадзіуся-націснуу кнопку знішчэння,
Здавальняючы скончыу сярэднюю школу,
Праваліуся пад лёд рэкі кока кола,
Стау пятым колам іржавага свету,
Падау на дно цмянай каметай,
Стома у правай залежнасць у левай,
Ты трапіу ў медыя сетку..

Пей сінт. мёд..
Пей сінт. мёд..

Вецер часу нам адпомсціць,
З ранку ў вечар па задворках,
Клею гумкай свае раны,
Распродаж, я стау танным..

Не..
Сыты гэтай доўгай хлуслівай песняй..
Цісні стоп.. стоп.. стоп..

Вельмі прыемна быць часткай сістэмы,
Грэць свае вочы ў свеце рэкламы,
Лашчыць вушы на FM хвалях,
Digital сутнасць новай эпохі падорыць нам бездакорнасць..
Месца дзе мары становяцца явай,
Cмецце ў якім мы сябе пахавалі..

Яшчэ адзін дзень не вытрымау часу,
Ты застауся са сваім прыходам сам на сам,
Сонца спаліла ўсе твае мэты,
Пад мерны скрыгат вярчэння планеты,
Сівая сутнасць твайго прызначэння стогне..
Стогне! Вочы застылі ў лічбавай стоме,
Твае апошнія словы..

Вецер часу нам адпомсціць,
З ранку ў вечар па задворках,
Клею гумкай свае раны,
Распродаж, я стау танным..

Не!
Сыты
Гэтай доўгай
Хлуслівай песняй,
Цісні стоп.. стоп.. стоп..

Прыпыні.. досыць..
Чуеш.. досыць..
Цісні стоп.. стоп.. стоп..